Fever

Ganz liesen süselt de Wind in Boom,
Ick ligg, as weer ‚k in swoor’n Droom.
Lütt Vagels singt eer lüttes Leed,
Dull sleit mien Hart, mien Kopp is heet.
Un allns ward op eenmol so swöör,
As weer ick nich meer op disse Eer.
So dückert mi dat Fever dal.
Wat weer dat blots för’n Quaal.
Op eenmol fööl ick lies een Hand,
Hoolt mi torüch ut anner Land.
Ick ligg, as weer`k in swoor’n Droom,
Ganz liesen süselt de Wind in Boom.